Yaad jarur karna...

Phursat jo mile aapko to humme yaad jarur karna,

Keehogi kabhi phariyaad to humme maaf jarur karna,

Choott jaaye kabhi haath to humme saath le k chalna,

Ghar ka pata puche koi to mera dil hai bas kehna...

~ Archu

Ek ehsaas...

Tum meri aadat se ab jarurat ban rahe ho,

Dheere dheere khwab se haqeeqat ban rahe ho,

Ek ehsaas se ab khoobsurat wajood ban rahe ho,

Bin maange jo kabool hojaye woh dua ban gaye ho...

~ Archu

Tere bin

Tassavur na ho tera to dil bechain ho jata hai,

Annginat khayyalo me kahi guum ho jata hai,

Kis se fariyaad karu jab tu hi har jagah nazar aata hai,

Muskil se hi ab tere bin ye waqt guzar paata hai...

~ Archu

Yeh mulakate

Aaj guftagu kar rahi thi hamari aankhen,

Unhe dekh saazish ki ho rahi thi baatein,

Jazbaati kar gayi kuch puraani yaadein,

Jaane kis modh pe leja rahi hai humari yeh mulakate...

~ Archu

Baki hai..

Dil me teri dhadkan nahi bas saans baki hai,

Jism me meri jaan nahi bas rooh baki hai,

Aankhon me teri tasveer nahi bas aansu baki hai,

Tu mere saath nahi bas teri yaadein baki hai...

~ Archu

Link for recorded audio: https://youtu.be/lf6WqFgbQ6M

Suroor...

Beinteha kiya ishq me pagalpan, jabse laga hai tumse mann,

Shikve gile na koi hai ulzhan, bas japte rahu tumhara naam hardam,

Umar ka har mod gujare tere sang, dil ched raha hai mitti sargam,

Mit jaayenge zindagi se har gum, bas suroor tumhara chadhta rahe hum par...

~ Archu

Deedar tera...

Raaho me unke hum aans lagaye baithe hai,

Khudgarz is duniya se aankh churaiye baithe hai,

Unke yaad me khudko anjaan banaye baithe hai,

Deedar unka hojaye ye umeed lagaye baithe hai..

~ Archu

Raaz-e-mohabbat

Ajnabiyo ki tarah hum jab pehli baar mile the,
Humme kya pata tha dil k taar tabhi se jude the,
Raaz-e-mohabbat k alfaz kahi mehfuz rakhe the,
Ek mulaqaat se aapke... hum aam se nacheez banne the...


~ Archu

Fariyaad

Thak ke baithe the hum, rabse uski fariyaad karke,
Kya pata tha unko arse hue hai humko yaad karke,
Aankhon se aansu bhi ab nikale nahi sailab banke,
Dil bhi pattar sa hogaya hai unse pyar karke...


~ Archu

Kismat

Kismat me tum ho shayad tabhie is mod pe takraye hai,
Ajnabiyon se rehnuma ka safar isiliye hum tay kar paaye hai,
Kuch to hoga matlab iska jo bheed me hum mil paaye hai,
Umar bhar ka to pata nahi par is pal ko hum ji paaye hai...


~ Archu

Maksad...

Teri baahon me mila muzhe sukoon pyara,
Bhula diya sabko bas dil hua tumhara,
Zindagi roshan hui haseen hua har nazara,
Maksad ban gaya hai ab pyar tumhara...

~ Archu

Happy Women's Day...

Aaj jikr aapka badihi adab se hua hai,
Aapki is pehel ne hamare dil ko chua hai,
Soch badli to kuch karne ka junoon chada hai,
Sirf izzat nahi aapne humme wajood diya hai..

Muddato baad ye lamha jeene ko mila hai,
Jab aurat aur mard nahi sabko insaan dikha hai,
Kiya nahi duniya ne tay kaun kis liye bana hai,
Jo hai kaabil usse sahi maayino se chuna hai

Tumhare hausle ko parekhne imtihaan bana hai,
Karna tumhe hai isse paar haarna ab mana hai,
Jeet ka jashn manane khud bhagwan saath khada hai,
Shukriya tumhe karne usne aaj ka din chuna hai...


~ Archu

Arse se...

Arse se tumhe dekh dil dhadakta tha...
Aarzoo jo chupi hai batane ko tadapta tha...
Gustaki na hojaye kuch ye soch darta tha...
Umeed bandhe hue har din gujarta tha...


~ Archu

Aahista...

Aahista aahista woh humnava ban gaye,
Jaane kab woh humare razdaar ban gaye,
Ulfat k rah mein kab jaanisaar ban gaye,
Dekhte dekhte woh hamari jaan ban gaye...


~ Archu

Yoon...

Unki aankhon me yoon dhoob jaane ko jee chahta hai,
Khamoshiyo me yoon ghum ho jaane ko jee chahta hai,
Anjaani raho me yoon firse milne ko jee chahta hai,
Unhe dil aur khudko dhadkan banane ko jee chahta hai...

~ Archu

Isqh...

Isqh nahi meri ibadat hai tu,
Dil nahi meri dhadkan hai tu,
Jarurat nahi meri zindagi hai tu,
Majburi nahi meri kismat hai tu...

~ Archu

Kuch hum aise..

Ulzhan me hai kuch hum aise, jaise saans bhi le to marr jaaye,
Chah rahe hai tuzhe kuch hum aise, jaise tumhe kho bhi de to bhikhar jaaye,
Umeed bandhe hue hai kuch hum aise, jaise koi dor bhi kheech le to darr jaaye,
Janmo ka hisab laga rahe hai kuch hum aise, jaise koi aaj me hi thaharr jaaye...

~ Archu

Mehfil...

Mehfil me woh kafiya milate rahe, humme to unse dil milana tha,
Woh hans k maahol banate rahe, humme to unse ishq ladana tha,
Woh sab ki khairiyat puchte rahe, humme to unka dard churana tha,
Bheed me woh ghoomte rahe, humme to unme gum hojana tha..

~ Archu

Ittefaq

Sannate se chir kar uski meethi awaaz aayi hai,
Sun usse mere chehre pe haasi chaayi hai,
Kahi yeh khwaab to nahi ya dhoondli koi parchai hai,
Ittefaq se hi sahi tumse milne ki ghadi aayi hai...

~ Archu

Gustakhi

Ek dabee khwaish hai unse yu takaraane ki,
Gustakhi kare dil phir unhen jaan se jyada chaahane ki,
Kuch lamho mein kaid ho jaye duniya in do anjaano ki,
Jude kuch aisa rista na baat ho unme bichad jaane ki...

~ Archu